Ko árape ojegueromandu’a 75 ary ñe’ẽpapára ikatupyryeteva’ekue, Emiliano R. Fernández. Hekove ogueva’ekue upe 15 jasyporundýpe, táva Paraguaýpe. Hetaitemi ohaiva’ekue ñe’ẽpoty ha avei hetagui ojepapova’ekue purahéi.
Petẽi ka’arupytũ jave, Emiliano osẽ omba’ejoguavo. Og̃uahẽ jave upe ñemuhame, pytumbygui ojejapi. Upegui ojegueraha ichupe tasyópe (Hospital Militar), upépe opyta oñeñangareko hese. Katu noñakãrapu’ãi. Aremi rire ikangy ha inangyve oho, omanoitéve upe 15 jasyporundypé, 4 aravo ka’aru jave. Uperamo orekova’ekue 55 ary.
Emiliano ojapova’ekue amo 2.000 ne’ẽpoty rupi, umivagui hetápe oñemoiva’ekue purahéi. Ijapytépe oĩ 13 Tujuti, karai Ramón Vargas Colmán omoiva’ekue chupe purahéi.
Heraite ha’eva’ekue Emiliano Fernández Rivarola, katu pe isy (Bernarda Rivarola) rérajoapy omoĩ tendonderame. Heñoiva’ekue Guarambarépe, 8 jasypoapy jave, 1894-pe. Ikatupyryetemiva’ekue, ohaí guarani ha castellano-pe.
Ñorairõhápe (Guerra del Chaco) ohova’ekue, upépe oĩva’ekue pe Regimiento 13 Tujutípe. Upe aja avei ohaiva’ekue ñe’ẽpoty. Avei ohai’imiva’ekue momaranduhára ramo, Semanario Guaraní-pe. Ñe’ẽpaparaháicha hetaitemi oikundaha Paraguaipýre.
Heta mitakuña omo’ãhóva’ekue ichupe, umivape ojapova’ekue ñe’ẽpoty iporãva.
Asunción del Paraguay, La página rota, Siete notas musicales, Guavira Poty, Oda Pasional, Despierta mi Angelina, Nde keguype, Arribeño Purahéi ha hetaiteve ñe’ẽpoty ojapopva’ekue.
Sé el primero en comentar