Oñemomsako’i guaraní amandaje

Última actualización el 19 de julio de 2022

Guaraní Ñe’ẽ  Angirῦ  Ñanduti héra peteĩ aty, ipype oĩ heta tapicha, Paraguái ha ambue tetãmegua, ohayhúva ñane ñe’ẽ teete ha omba’apo hikuái heko resãi haĝua pe ava ñe’ẽ. Ha’ekuéra ombosako’i ko arapokõime peteĩ amandaje. Upéva oikóta Yvy Marãe’ỹ rógape, 09:00 aravo guive 12:30 aravo peve, San Lorenzo-pe- Avei iñasãita yvytu pepo rehe, Google Meet rupive.

Oñeñe’ẽta upépe pe Lei 42451 rehe. Karai Miguel Angel Verón, tekove katupyry, omyakã pe aty ha ha’e voi oñe’ẽta pe amandajépe.

Tapichakuéra ikatu omyenyhe pa’u ko’ape terã oñemoboja Yvy Marae’ỹ rógape, Tape Coronel Romero 318 ha Coronel Bogado, San Lorenzo-pe.

GUARANI ANGIRŨ OGUEROGATÁVA

1. Oiporu guarani ñe’ẽ hekovépe opa hendápe ha mba’erã, oñe’ẽ ha ohaívo otĩ ha hovapytã’ỹre.
2. Oñemongu’e ko’ẽreíre oikuaapypuku, oñe’ẽporã, ohaiporã ha oiporúvo hekópe guarani ñe’ẽ.
3. Ombohasa ko ñe’ẽ mitã pyahukuérape, ko’ýte mitãnguépe, taha’e hógape ha mamo oĩhápe, Paraguáipe ha tetã ambuépe..
4. Oñepia’ã oikuaa ha oiporúvo hekópe, guarani ykére, castellano ha ambue ñe’ẽ, jahechápa oikuaa ha omosã heta ñe’ẽ.
5. Oñemongu’e oĩha guive ha ijyva ome’ẽha peve Paraguáipe okakuaávo ñe’ẽmokõi guarani-castellano, tove maymave tetã ñemoñaere toikuaa ha toiporuporã iñe’ẽ tee mokõive.
6. Oñepi’ã hekovépe, hogapýpe, hembiapohápe ha mamo oimeha guive tojekuaa ha toñemombarete arandupy oguerosyryrýva guarani, taha’e teko’aguyje, tekoporã, tekopotĩ, tekojoja hamba’e.
7. Oñemongu’e opaite guarani ñe’ẽ poruhára ykére, taha’e pehẽngue ypykue, tapicha paraguái ha ambue guarani retã ojejuhúva Paraguái mboypýri toiko tekokatu ha tekoporãme.
8. Ombohéra guaraníme iñemoñere ha kyrỹinguéra, upéichate avei opaite temimoĩmby, tenda ha mba’e ha’e oñemongu’ehápe.
9. Omoĩ ijati’y ha iñakã Guarani Angirũ Ñanduti-pegua tapicha ha temimoĩmby ikakuaa ha hi’ajúvo ojehupyty potávo ojehekáva, ha okakuaa tuichakuépe, jahechápa ojepyso pyso ha’e ha hembiapo.
10. Ombopyahu ha omoambue hembicha guarani ñe’ẽ iñeñangareko rehe, ani ohovasa iñemongu’e rupi ko ñe’ẽ ñemokandy ha ñemohendague.
11. Oiporu pojoapy oĩva ipópe, ko’ýte umi ipyahukuéra, internet oikuave’ẽva, oporombo’e, oikuaauka ha omyasãivo guarani ñe’ẽ opa hendápe ha opa ára.
12. Oñeha’ã oñemomarandu ha oñemoaranduve ko’ẽreíre, ojekuaaha rehe arandu ha mba’ekuaa rupímante ikatuha ojekakuaa ha ojehupyty opa mba’e ojehekáva